Монгол Улсын Хууль зүй, дотоод хэргийн яам (ХЗДХЯ) болон Швейцарийн хөгжлийн агентлаг (ШХА)-ийн хамтран хэрэгжүүлж байгаа "Иргэдийн оролцоо II" төсөл нь засаглалыг дэмжих, төвлөрлийг сааруулах хөтөлбөрийн хоёрдугаар шатны хүрээнд хэрэгжиж байгаа бөгөөд уг төслийн хүрээнд иргэдийн оролцоотойгоор орон нутагт тулгамдсан зарим асуудлыг нутгийн удирдлагын байгууллагатай хамтран шийдвэрлэх чиглээр манай суманд зорилтот төсөл хэрэгжүүлэх юм.
Төслийн зөвлөх баг сумын тулгамдсан асуудлыг тухайн орон нутгийн удирдлага, иргэдийн оролцоотойгоор үнэлгээ хийж эрэмбэлэх зорилготой сургалтыг 2017 оны 11 дүгээр сарын 09-ны өдөр 60 иргэдийн дунд, 10-ны өдөр 36 албан хаагчдийн дунд амжилттай зохион байгууллаа. Мөн сургалтанд оролцогчдоос орон нутгийн сургагчийн багийг 15 хүний бүрэлдэхүүнтэй байгуулан цаашид хамтран ажиллахаар боллоо.
