Монгол Улсын УИХ-ын гишүүн, ХХАА-н сайд Р.Бурмаа, Дорнод аймгийн Засаг дарга С.Ганбат, Чойбалсан сумын ИТХ-ын дарга Ж.Зууннаст, Засаг дарга Т.Даваадорж нар хөдөлмөрч чанар, бүтээлч ажлаараа онд өнтэй орсон олон зуун малчдын дундаас шалгарч Улсын сайн малчны болзлыг хангасан Дорнод аймгийн Чойбалсан сумын Сүмбэр багийн малчин Будын Алтангэрэлд 2015 оны 2 дугаар сарын 15-ны өдөр Улсын сайн малчны өргөмжлөл, тэмдгийг гардуулан өглөө. Мал сүргийнхээ тоо толгойг өсгөж, тогтвортой амжилт гарган, сум орон нутгийнхаа хөгжилд үнэтэй хувь нэмэр оруулж, мал сүргийнхээ үйлдэр угсааг чанаржуулан, өөрийн арга туршлагыг залуу халаа үедээ уламжлуулан өвлүүлж байдаг түүнийг Улсын сайн малчнаар шалгаруулсанд баяр хүргэв.