Сурын харваа:
Маршал Х.Чойбалсангийн мэндэлсний 120 жилийн ойн баяр наадмын эрэгтэй сурын харваанд Аймгийн мэргэн, спортын мастер Баяндун сумын "Аш авгад” ХХК-ны харваач О.Сүхбаатар түрүүлж, 2-т Цагаан-Овоо сумын харьяат аймгийн мэргэн, спортын мастер И.Батбаяр, 3-т Дорнод аймгийн Хэрлэн сумын залуу харваач Д.Дугарсүрэн, эмэгтэй сурын харваанд Аймгийн мэргэн, спортын дэд мастер Баянтүмэн сумын харваач Ц.Дарийм түрүүлж, 2-т Аймгийн мэргэн, спортын мастер Дашбалбар сумын харваач Э.Оюунжаргал, 3-т Хэрлэн сумын харваач Л.Лхагвасүрэн нар тус тус байр эзлэв.
Бөх:
Маршал Х.Чойбалсангийн мэндэлсний 120 жилийн ойн баяр наадамд хүчит 128 бөх барилдсанаас Дорнод аймгийн Баяндун сумын харьяат аймгийн арслан Б.Батхуяг түрүүлж, Дорнод аймгийн Баянтүмэн сумын харьяат аймгийн харцага Батжаргал үзүүрлэв. Мөн залуу 32 бөх барилдсанаас Дорнод аймгийн Чойбалсан сумын харьяат залуу бөх С.Сайханбаяр түрүүлж, Чойбалсан сумын харьяат сумын начин Б.Лхагватөмөр үзүүрлэж, Чойбалсан сумын харьяат залуу бөх С.Мартхүү, Чойбалсан сумын харьяат сумын начин Ё.Цогтбаатар нар шөвгөрөв.
